Балтачтан Садриевлар велотренажерлы булды

Габдулла абый белән Рәдифә апа биш ел элек кызы белән киявен югалткан иде. «Булгария» теплоходы белән сәяхәткә киткән җирләреннән алар кире әйләнеп кайтмый. Балигъ булмаган ике бала әби-бабай тәрбиясенә кала. Кызганыч, күптән түгел Габдулла Садриев инсульт кичерә һәм ул район социаль яклау бүлегенә «Бейси дуал» велотренажеры алуда ярдәм сорап мөрәҗәгать итә. Әлеге велотренажерны алырга шәхси эшмәкәрләр Фәнис Шәрипов, Илнур Шәйхуллин, «Сорнай» җәмгыяте җитәкчесе Тәуфыйк Гыйләҗев матди ярдәм күрсәткән.

«Волонтер» активистлары җитәкчеләре Эльвира Әхмадуллина белән аны җыеп, сынап та карадылар. Садриевлар гаиләсе игелекле эшмәкәрләргә, мөрәҗәгатьләрен кире какмаган бүлек кызларына, волонтерларга ихлас рәхмәтләрен белдерә, исәнлек-саулык тели.