Безнең яшьлек урак урып, иза чигеп үтте

“Безнең яшьлек урак урып, иза чигеп үтте, хәзерге кебек комбайннар юк иде шул”, дип хезмәт белән үткән тормыш юлын сөйләп үтте юбиляр. “Бүгенге тормышларга шатланып, шөкер итеп кенә яшисе”, дип тә өстәп куйды. Чынлап та, аларның авыр тормыш юлын бер нәрсә белән дә чагыштырырлык түгел. Эштән бер көн дә калмый, хезмәтен тырышлык белән башкарганына олуг рәхмәтләрен ирештереп, юбилей уңаеннан изге теләкләрен юллап, район башлыгы урынбасары Наил Сабирҗанов юбилярга Рәсәй Президентының Котлау хатын, район башлыгынң Рәхмәт хатын тапшырып, иңнәренә ак шәльяулык салып, ап-ак чәчкәләр бүләк итте. Бу теләкләргә “Кама” хуҗалыгы җитәкчесе Рәкыйп Нәҗипов һәм Пыжмара авыл җирлеге башлыгы Рафил Җәләев та кушылды.

Фото: автор