Эшләп тә күрсәткән бабай, күкрәге тулы медаль

Бүген 90 яшьлек “Хезмәт” газетасының тагын бер бик күркәм яшьтәше белән очраштык,  ул Смәелдән Нәкыйп абый Хуҗин. Яшьләй колхозда эшли башлаган, гомерен тракторчы булып, туган колхозының басу-кырларында тир түгеп үткәргән. Игелекле балалар үстергән, хәзер исә төпчек улының кадер-хөрмәтендә, килене тәрбиясендә, оныкларының җылы карашына кинәнеп, бәхетле картлык гомере кичерә. Бүген аны 90 яше белән котларга район җитәкчелегеннән, авыл җирлегеннән, хуҗалык идарәсеннән килделәр.