Иганә акциясе ике гаиләне сөендерде

Ильнур, 2 ноябрь 2015 - 12:16

3512

Россия гадәттән тыш хәлләр министрлыгы оешуның 25 еллыгы һәм якынлашып килүче коткаручылар бәйрәме уңаеннан Балтач һәм Кукмара районара янгын күзәтчелеге бүлеге хезмәткәрләре, район социаль яклау бүлеге белән берлектә, иганә акциясе үткәрделәр.

Акция барышында күп балалы авыр хәлдәге 2 гаиләгә янгын сүндерү җиһазлары һәм янгын кисәтү жайланмалары тапшырылды.
Хөрмәтле райондашлар, һәр гаиләгә дә янгын сүндерү җиһазлары һәм янгын кисәтү җайланмалары булдырырга киңәш итәбез. Янгынны вакытында күреп алу һәм сүндерү сезнең гомерегезне һәм мөлкәтегезне саклап калырга ярдәм итәр. Белешмәләр өчен телефон: 2-42-01.