“Кадер-хөрмәттә яшим”, дип сөенә Гөлфия Әхмәтгалиева

Гомерен туган авылына, туган колхозына багышлаган шәхес ул. “Яшьлегебез бик авыр чорларга туры килде, Лаешка барып урман кисәргә дә, чана белән тирес түгәргә дә, борчак чабарга да, фермада эшләргә дә насыйп булды. Күрмәгәнне күрдек инде. Алай да бүгенге тыныч, бәхетле тормышыбыз ул авырлыкларны оныттырды. Үзем гаиләле булмасам да, сеңлемнең балалары, оныклары тәрбияләп, бик хөрмәт итеп яшиләр, рәхмәт аларга”, дип истәлекләре белән бүлешеп, изге теләкләрен җиткерде юбиляр.

Гөлфия әби бүгенге көндә сеңлесе Тәзкирә апа белән яши. Икесе дә өлкән яшьтә булсалар да, бер-беребез өчен бик кирәк һәм бик кадерле әле без, диләр. Гөлфия әби турындагы тулы язманы “Хезмәт”нең алдагы саннарыннан укып белә алачаксыз.

Фото: автор