Татарстан Премьер-министры урынбасары – авыл хуҗалыгы һәм азык-төлек министры Марат Готыф улы Әхмәтов 16 июньдә үзенең гомер бәйрәмен билгеләп үтә. Тумышы белән Арча районыныкы булса да, бар булмышы – мәктәп елларыннан башлап, беренче хезмәт чыныгулары, хезмәт баскычы буйлап беренче күтәрелүләре, уңышлары-табышлары Балтач белән бәйле булганга, ул үзе еш кына: “Мине Балтач үстерде”, – дип кабатларга ярата. Балтачлар исә: “Ул Балтачны үстерде”, – дип өсти.
