Генерал-майор Сергей Погодин эшлекле сәфәре белән Балтачта

Апрель аенда Балтач хәрби комиссариатында мобилизация буенча смотр-конкурс үтәчәк. Әзерлек эшләре белән танышу максатыннан, Татарстан Республикасы Хәрби комиссары генерал-майор Сергей Николаевич Погодин бүген эшлекле сәфәр белән Балтачка килде. Ул Саба районында булганнан соң безнең районга килде. Иң элек Салавыч җирле үзидарәсендә булып, хәрби исәп буенча эш торышы белән танышты. Аннан соң район хәрби комиссариатында булды. Биредәге әзерлек эшләре белән танышты, бинада ясалучы ремонтка да үз бәясен бирде,булган кимчелекләрне тиздән узачак мөһим чарага кадәр тиз арада бетерергә кирәклеге турында да әйтте.