Хезмәт

Һава температурасы һәм кан басымы: алар ничек бәйләнгән?

Һава торышының кинәт үзгәрүенең сәламәтлеккә йогынтысы бар, ди табиблар.

Быел табигать көйсезлекләре күпләрнең теңкәсенә тигәндер инде: кыш өчен бик хас булмаган җылы көннәрдән соң, һава температурасы кинәт кенә төшеп, чатлама салкыннар башлана, ә аннан тагын җепшек кар ява, буран котырына.

Һава торышының кинәт үзгәрүенең сәламәтлеккә йогынтысы бар, ди табиблар.

Биология фәннәре кандидаты, табиб Александр Мирошников кинәт үзгәрүчән һава торышының сәламәтлеккә йогынтысы хакында сөйләгән.

"Һава температурасы кинәт үзгәргәндә, кеше организмында да кайбер үзгәрешләр күзәтелә, - ди ул. - Мисал өчен, термометрның терекөмеш баганасы "сикергәләгәндә", адәм баласының кан басымы уйный башлавы ихтимал: кемнекедер күтәрелә, ә икенче берәүләрнеке, киресенчә, төшеп китә. Мондый вакытларда көненә өч тапкыр кан басымын үлчәп тору кирәк. Әгәр дә инде тайпылышлар күзәтелсә, табибка мөрәҗәгать итү зарур.

Табиб ассызыклавынча, гипотоникларда, ягъни кан басымнары түбән кешеләрдә көчле баш авыртулар башлануы мөмкин.

Хәвеф төркеменә өлкән яшьтәгеләр керә. Ә менә артык авырлыктан җәфаланучыларга, шикәр диабеты дигән диагнозлары булучыларга бу чорда кофедан баш тартып торырга һәм тоз куллануны киметергә тәкъдим ителә.

Шул ук вакытта организмга көчергәнеш килмәсен өчен, белгеч суны җитәрлек күләмдә, ягъни 2,5 литрдан ким эчмәскә чакыра, дип яза Кызыл таң.

 

Автор: Миләүшә Латыйпова

 

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: