Хезмәт

Балтачта ике кешедә коронавирус инфекциясе табылган

Татарстанда соңгы тәүлектә коронавирусның 97 яңа очрагы теркәлгән. 30 кеше хастаханәгә озатылган, 67 кеше өендә дәвалана.

(Казан, 17 гыйнвар, «Татар-информ»). Татарстанда соңгы тәүлектә 97 кешедә Covid-19 коронавирус инфекциясе булуы ачыкланган. Биш кеше чирне читтә йоктырып кайткан, калганнары башка авырулар белән аралашу нәтиҗәсендә эләктергән. Бу хакта ТР Сәламәтлек саклау министрлыгының матбугат хезмәте хәбәр итә.

«30 кеше хастаханәгә озатылган, 67 кеше өендә дәвалана», - диелә ведомство хәбәрендә.

Инфекция йоктыручыларның күбесе 30-50 яшь (32 кеше) һәм 50-60 яшь (23 кеше) аралыгында. Шул ук вакытта, әлеге чирне эләктергән пациентлар арасында балигъ булмаган бер бала да бар, 90 яшьтән өлкәнрәк кешеләр юк.

Казанда – 48, Чаллыда – 11, Питрәч районында җиде, Балтачта 2 очрак ачыкланган. Бер көн эчендә коронавирус очраклары 21 муниципаль берәмлектә теркәлгән.

Эпидемия башланганнан алып республикада коронавирус инфекциясенең 14 832 очрагы ачыкланган, 11 263 кеше (шуларның 63е – узган тәүлектә) терелгән.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: