Инсультның өч билгесен белү кирәк!
Инсульт булганда кисәк кенә кан басымы күтәрелә, күз күреме начарлана, әйберләр ике булып күренергә мөмкин. Битнең яки тәннең бер ягы оегандай тоела, кисәк кенә баш өянәге башлана. Инсульт һөҗүм иткән якыннарыгызга тиз арада ярдәм күрсәтим дисәгез, аның өч төп билгесен истә калдырыгыз.
Инсультмы-түгемле икәнлеген белү өчен авыруга елмаерга, сөйләшергә һәм ике кулын күтәреп карарга кушыгыз. Инсульт булганда елмаю "кыек" булырга мөмкин, чөнки бер якның мускуллары "тыңламый" башлаячак. Кеше үз исемен дә әйтә алмаска мөмкин. Инсульт кичерүче ике кулын бертигез итеп күтәрә алмас. Әлеге билгеләр күзәтелсә, кичекмәстән табиб чакыртырга кирәк.
Фото: times.com.ua
Автор: Миләүшә Латыйпова
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев