Коронавирус бер кая да китмәде, ул янәшәдә - Балтачта тагын бер кешедә тапканнар

Татарстанда бүгенгә 55 яңа COVID-19 очрагы расланган, берсе читтән кертелгән, 54е – элемтә юлы белән таралган. 17 кеше хастаханәгә урнаштырылды, 38 кеше өйдә дәвалана.

18 яшькә кадәр – 5, 18-30 – 9, 30дан 50гә кадәр – 19, 50-60 – 8, 60тан 70кә кадәр – 12 һәм 70тән 80 яшькә кадәр 2 кеше короноваирус йоктыруы мәгълүм.

Казанда бүген авыручылар саны 42гә җиткән (кичә 35 иде), Яр Чаллы һәм Биектауда өчәр, Лаешта – 2, Югары Ослан, Алабуга, Әтнә, Балык битәсе һәм Балтачыбызда берәр очрак расланган.

Барлыгы 10 июньгә Татарстанда 3720 COVID-19 очрагы теркәлгән, 3586 кеше сәламәтләнгән, шуның 23е соңгы тәүлектә.

Үзегезне һәм якыннарыгызны саклагыз.