ОРВИ, грипп бөтен инфекцияләр арасында иң еш очрый торган авырулардан санала. Гриппка каршы көрәшүнең чаралары турында сөйләшкәндә прививкаларныңәһәмияте турында әйтеп китмичә булмый.
Соңгы вакытта ата-аналар арасында прививкадан баш тарту модага кереп китте. Алар белән сөйләшкәндә шуны әйтәсе килә, прививка ясатмыйсыз икән, ул сезнең эш. Ләкин шуны белеп тору кирәк: гриппны вируслар китереп чыгара, аны дәвалау чарасы юк.
Прививка ясаган һәм ясатмаган балалар арасында салкын тиеп авырту очракларын анализларга туры килде.
Прививка ясатмаган балалар арасында ОРВИ, грипп авырулары 2 тапкыр күбрәк очрый, шулай ук өзлегүләр дә ешрак була. Һәм шуны онытырга ярамый, балага гына түгел, гаиләдәге һәркемгә дә прививка ясату кирәк.
Үзегезгә дә, балаларыгызга да саулык, сәламәтлек теләп, Фәридә ГАЛИУЛЛИНА балалар табибәсе.
Фото: http://www.teleport2001.ru/administraciya-goroda-blagoveshchensk/2014-09-16/51611-blagoveshchencam-sovetuyut-postavit-privivki-ot-grippa.html
