Хезмәт

Татарстан табиблары 17 яшьлек егетнең баш сөягендәге шешне борын аша алган

Табиблар әлеге төрдәге операцияне беренче тапкыр ясаган.

(Казан, 28 февраль, «Татар-информ»). Татарстандагы Республика клиник хастаханәсенең оториноларингология бүлеге табиблары 17 яшьлек егетнең баш сөягендәге шешне борын аша кереп алган. Бу хакта «Татар-информ» корреспондентына Республика клиник хастаханәсенең матбугат сәркатибе Гүзәлия Хәнипова хәбәр итте.

Чаллыда табиблар бу егеткә «баш сөягендә ангиофиброма» дигән сирәк диагноз куйган. Әлеге чиргә баш һәм муен шешләренең 0,5 проценты гына туры килә. Кагыйдә буларак, шеш актив үсә һәм үзе турында борын канавы аша белгертә.

Элек мондый шешләрне тышкы ысул белән генә дәвалаганнар. Әмма хәзер Республика клиник хастаханәсе хирурглары шешне борын-эндоназаль эндоскопик юл аша ала башлаган. Мондый методиканы куллану нәтиҗәсендә йөздә җәрәхәт калмый, ә пациент операциядән соң күпкә тизрәк тернәкләнә.

Фото: архив/Михаил Захаров

 

Реклама
Теги: ркб
Нравится
Поделиться:
Реклама
Комментарии (0)
Осталось символов: