Татарстанда бүген 31 яңа COVID-19 очрагы расланган

31 авыручының 2се читтән кайтучыларга туры клсә, 29ы – элемтә юлы белән зарарланган, дип хәбәр итә республика корронавируска каршы көрәш штабы мәгълүмат хезмәте. 7 кеше хастаханәгә урнаштырылган, 24е өйләрендә дәвалана.

Авыручыларның 10ысы яшьләргә туры килә - узган тәүлектә, мәсәлән 18 яшьтән 30 яшькә кадәр 10 кеше коронавирус йоктыруы мәгълүм, 30 яшьтән 50 яшькә кадәр - 7, 50 яшьтән 60 яшькә кадәр - 5, 60тан 70кә кадәр - 4, 18 яшькә кадәр - 3, 70тән 80гә кадәр һәм 80нән 90 га кадәр яшь аралыгында берәр кешедә табибларыбыз әлеге чирне тапканнар.

Казанда авыручылар саны 19 турысында кала бирә, Нурлатта - 2, Яр Чаллыда, Әлмәттә, Бөгелмәдә, Биектауда, Зәйдә, Яшел Үзәндә, Лениногорскида, Минзәләдә, Балык Бистәсендә һәм Тукай районында берәр очрак теркәлгән. Барлыгы 12 торак пунктта вирус табылган, димәк ул безнең арада яши бирә.

Барлыгы 24 июльгә 5372 COVID-19 очрак теркәлгән, 4219 кеше, шул исәптән 26сы узган тәүлек эчендә сәламәтләнгән.

Берүк, үзегезне һәм якыннарыгызны саклагыз.

Фото: pixabay.com/ru