Хезмәт

Татарстанда тагын ике кеше коронавирустан үлгән

Республикада Covid-19 корбаннарының гомуми саны 207гә җитте.

(Казан, 9 гыйнвар, «Татар-информ»). Татарстанда тагын ике кеше яңа төрдәге Covid-19 коронавирус инфекциясе корбаны булган. Бу хакта ТР Сәламәтлек саклау министрлыгының матбугат хезмәтеннән хәбәр иттеләр.

«Бүген Татарстанда коронавирус инфекциясеннән вафат булуның ике очрагы расланды», — дип белдерделәр министрлыкта.

Коронавирустан 1933 елгы ир-ат һәм 1947 елгы хатын-кыз үлгән.

Ведомствода ачыклык кертүләренчә, үлемнең сәбәбе патологоанатомик экспертиза нәтиҗәсендә ачыкланган һәм вирус идентификацияләнгән.

Шул рәвешле, 9 гыйнварга булган мәгълүматлар буенча, Татарстанда яңа төрдәге Covid-19 коронавирус инфекциясеннән вафат булган пациентлар саны 207гә җитте.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: