Хезмәт

Үзебезнеке кебек

Безнең районда халыкны социаль яклау торышы канәгатьләнерлек. «Наз» тернәкләндерү үзәген генә алыйк.

Бу үзәк сәләтле кадрлар белән тулысынча тәэмин ителгән. Бирегә үзләренең сәламәтлекләрен ныгытырга икешәр мәртәбә килүчеләр дә бар. «Наз»ның эшчәнлеге турында, анда эшләүче хезмәткәрләрнең намуслы, тырыш хезмәт итүләре турында матбугат битләрендә әледән-әле яктыртылып тора.
Социаль хезмәткәрләр Ленара Гарәфетдинова һәм Халидә Шиһабетдиновалар алты ел инде безгә социаль хезмәт күрсәтәләр, аларның эшчәнлеге дә игътибарга лаек. Икесе дә бик мәрхәмәтле, ипле һәм әдәпле, шул ук вакытта игътибарлы да. Һәр үтенечне вакытында төгәл үтиләр, булсынга эшлиләр, алар безгә үз балаларыбыз кебек бик якын. Үз эшләренә чиксез бирелгән социаль хезмәткәрләрнең эшләрендә һәм шәхси тормышларында уңышлар телибез, хәер-догада торабыз. Алар социаль яклау бүлегенең горурлыгы.

Теги: 250
Нравится
Поделиться:
Реклама
Комментарии (0)
Осталось символов: