Хезмәт

Сәламәт кешегә күпме тоз ашарга ярый?

Тоз күп булса, организмда су туплана башлый.

Тозны күп ашасаң, кан басымы күтәрелергә, инфаркт яки инсульт килеп чыгарга мөмкин. Кешегә көненә ашарга ярый торган тоз күләме турында Sputnik радиосына табиб-диетолог, медицина фәннәре кандидаты Олег Ирышкин сөйләгән. Бу турыда РИА Новости хәбәр итте.

Тоз күп булса, организмда су туплана башлый, бу кан басымын арттыра. Шуннан соң инфаркт һәм инсульт булу куркынычы арта. Тоз куллану күләмен чикләү хәерле, ди белгеч.

«Тоз куллану нормасы — тәүлегенә биш грамм. Артериаль кан басымы югары булса, тәүлегенә биш граммга кадәр күләмдә тоз ашарга ярый. Әгәр кан басымы 140тан югарырак булса, тәүлегенә өч граммнан артык тоз ашарга ярамый», — ди Олег Ирышкин.

Азыкка өсти торган тозны гына түгел, әзер продуктларда булган тозны да исәпкә алу кирәк.

Ризыкларның тозлырагын яратучыларга тозны башка аналоглары белән алмашытырырга киңәш ителә. «Алмашка төрле тәмләткечләр кулланып була. Натрий микъдары азрак булган тоз сатып алып була. Без беренче чиратта тоз составындагы натрийдан куркабыз. Нәкъ менә ул кан басымын арттыра. Кибеттә калий, магний тозларын да табып була», — ди табиб.

Чыганак: Интертат ; фото: https://pixabay.com

Без социаль челтәрләрдә: ИнстаграмИнстаграм ВКонтакте, ВКонтакте, ТикТок, Ютуб, Одноклассники, Телеграм, Фейсбук, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: