Балтачта бертөркем участок сайлау комиссиясе рәисләрен һәм әгъзаларын бүләкләделәр (фото)

Балтачта сайлауларны әзерләүдә, уздыруда нәтиҗәле эшчәнлекләрен һәм сайлау системасын үстерүгә керткән саллы өлешләрен бәяләп, районыбызның бертөркем участок сайлау комиссиясе рәисләрен һәм әгъзаларын бүләкләделәр.

 – 8 сентябрь көнне зур һәм бик мөһим сәяси вакыйга — 7 чакырылыш Татарстан Республикасы Дәүләт Советы депутатларын сайлаулар көтелә. Район территориясендә сайлауларның гадел оештырылуы, сайлау яшендә булган һәркемнең активлыгы республикакүләм нәтиҗәлелеккә дә йогынты ясый. Әлеге күләмле кампаниянең оешкан төстә узуында участок сайлау комиссияләренең бердәм җаваплы карашлары, тәҗрибәләре бик мөһим, –  диде район башлыгы Рамил Нотфуллин чарада катнашучыларга мөрәҗәгать итеп.

Сайлау яшендә булган райондашларыбызны 8 сентябрь — Бердәм тавыш бирү көнендә сайлауларда актив катнашырга чакырып калабыз!