Балтачка ГТОның алтын дәрәҗәсендәге значоклары кайтты(+фоторепортаж)

Совет чорында гамәлдә булган ГТО (Готов к Труду и Обороне) нормаларын тапшыру кире кайтарылуын барлык буын вәкилләре дә хуплады, миңа калса. 2014 елда  эксперимент сыйфатын гына башлангыч алган әлеге гамәл бик күп райондашларыбызны значоклы итте инде.

Бүген район советының утырышлар залында бертөркем муниципаль хезмәткәрләр ГТО билгесенең алтын дәрәҗәсенә лаек булдылар, аларны бүләкләү булды.

Исегезгә төшерәбез: ГТО нормаларын 6 яшьтән алып 60ка кадәрге кешеләр тапшыра. Әлеге нормалар 11 яшь төркеме өчен билгеләнгән. Өч кыенлык дәрәҗәсе билгеләнеп, нормативларны үтәү дәрәҗәсенә карап алтын, көмеш һәм бронза билгеләр бирелә.