Чаӊгыда ярышу сезонын яптык (фото).

Ильнур, 30 март 2015 - 15:07

2510

Шимбә көнне «Ялтра» урманы янындагы кар сакланып калган кырда 1996-98, 1999-2000, 2001-03, 2004 һәм аннан да алдарак туган укучы балалар арасында бу чаӊгы сезоныныӊ официаль соӊгы ярышы үткәрелде.

7 мәктәптән килгән 63 чаӊгычы төрле озынлыктагы арада ярыштылар. Көннеӊ кояшлы, кызу булуы, ә аяк астында кар шыгырдап торуы беркемне дә битараф калдырмагандыр.

СССныӊ чаӊгы буенча спорт остазы, данлыклы тренер Ралиф Әскәров әйтүенчә, бу сезон үзенеӊ озынлыгы, республика күләмендә уздырылган ярышлардагы уӊышлар белән дә уӊай якка аерылып тора. Ралиф абыйларына тренировкага йөрүчеләр беренче тапкыр 28 октябрь көнне чаӊгыга басканнар. Шул көннән башлап алар шуган чаӊгы юллары меӊ километрга туладыр.