Чепьяда Яңа елны шашка уйнап каршы алдылар

Яңа ел бәйрәмнәре алдыннан "Наз" тернәкләнднрү бүлекчәсендә мөмкинлеге чикле райондашларыбыз ял итте. Саубуллашу көннәре якынлашкан мизгелләрдә ял итүчеләр арасында шашка ярышлары уздырылды. Ир-егетләр арасында беренче төркем инвалид Балтач егете Фәнис Сөләймәнов җиңү яулаган булса, хатын-кызлар арасында Чепья авылыннан, икенче төркем инвалид Гөлүсә Камалова беренчелекне алды. Ярышта барлык җиңүчеләр дә диплом алу бәхетенә ирештеләр. Бүлекчәдә hәрдаим уздырылып барган мондый ярышлар мөмкинлеге чикле кешеләр арасында спорт уеннарына кызыксыну уята.