Хезмәт

Футбол буенча Балтачта үз чемпионаты бара

Футбол буенча Бразилиядә дөнья чемпионаты барганда, Балтач районында да предприятие, оешма, хуҗалык командалары арасында футбол беренчелеге булып узды.

Район командалары белән берлектә Мари иленнән Мари-Төрек районы җыелма командасы да катнашты. Барлыгы 12 команда җыелып, алар 3 зонада иӊ-иӊнәрен ачыкладылар.
Группада 1 нче урынны алган командалар турыдан-туры финал ярышларына уздылар. Болар «Яӊа тормыш», «Норма», «Карадуган» командалары. Группаларында 2нче урынны алган «Татарстан», «Мари-Арбор», «Аякс» командалары арасында финалга 1 путевка өчен көрәш барды. Нәтиҗәдә «Татарстан» командасы финалда!
29 июнь көнне Карадуган авылы футбол стадионында финалга чыккан 4 команда районнныӊ иӊ көчле футбол командасын ачыкладылар. Явып торган яӊгыр да, футбол кырындагы җыелып торган сулар да, баштан-аяк чыланган киемнәр дә футболчыларны куркытмады, иртәдән-кичкә кадәр кызу көрәш барды.
Дөнья беренчелегендә әллә ни уӊышка ирешә алмаган Рәсәй уенчыларына тота торган акчаныӊ 1000нән 1 өлешен генә туләсәләр дә, белмим, безнеӊ район футболчыларны нинди уен күрсәткән булырлар иде. Менә нәтиҗәләр:
«Яӊа тормыш» - «Карадуган» 4:3
«Татарстан» - «Норма» 2:1
3 нче урын өчен киеренке көрәштә Норма командасы карадуганлыларны җиӊде.
Финалда «Яӊа тормыш» командасы салаучлылардан өстен булып(3:0) 2014 елныӊ Балтач районы чемпионы исемен яуладылар. «Татарстан» командасы көмеш медальләргә лаек булдылар.
Иӊ яхшы капкачы - Садыков Рифнур(Норма)
Иӊ яхшы сакчы - Габделхаков Тимур (Салавыч)
Иӊ яхшы ярымсакчы - Галимов Ленар ( Карадуган)
Иӊ яхшы һөҗүмче - Шарафиев Марат (Яӊгул)
Районныӊ спорт, яшьләр эше бүлеге әлеге ярышларны оештыруда зур көч куйган «Игенче» күмәк хуҗалыгына һәм аныӊ җитәкчесе Булат Зиятдиновка үзенеӊ зур рәхмәтен белдерә.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: