Гаилә старты

Балтачта урнашкан оешма, предприятие, учреждениеләр хезмәткәрләренең гаиләләре 1 чакрым араны чаңгыда шуу буенча үзара көч сынашты. «Балтач газы» идарәсеннән Рөстәм, Люция, Рахман Нигъмәтҗановлар үзләрен иң җитезләр итеп танытса, Балтач урта мәктәбеннән Алмаз, Гөлчәчәк, Айрат Шәрәфетдиновлар азга гына калышып финиш сызыгын икенче булып кисеп узды. Ә менә өченче урынга район хәрби комиссариатыннан Фәрит, Фәйрүзә, Фәнзил Кәримовлар лаек дип табылды. Җиңүчеләр район яшьләр эшләре һәм спорт бүлегенең кыйммәтле бүләкләре, диплом белән бүләкләнде. Чарада катнашучы башка гаиләләр дә истәлек бүләкләренә ия бүлды. Әлеге күркәм бәйрәм матур традициягә әйләнсен дигән изге теләктә чарага нокта куелды.