Хезмәт

Балтач районы

Спорт

Җиңеп кайтабыз... һәр ярыштан

Казан шәһәрендә татарча көрәш буенча узган Татарстан чемпионатында Арбордан Ринат Хәйретдинов чираттагы җиңүен яулады.

85 килограмм үлчәү авырлыгында бил алышып, Татарстан чемпионы булып танылды, башкалабызда узачак Россия чемпионатында Татарстан данын якларга алынды. Яңгулдан Руслан Рәфыйков исә бу ярышларда призлы дүртенче урынны яулады. Тагын бер сөенечле вакыйга булды. Бу ярышларда мәрхүм «Хәтәр батыр» Дамирның улы Ранил Сафиуллинга Татарстанның милли татар спорт көрәше остасы дигән мактаулы исем бирелде. Әнә шулай итеп әтисенең хыялларын тормышка ашырды Ранил. Афәрин!
Башкалабызда кул көрәше буенча 1996-1997, 1998-1999 елгы балалар арасында узган Татарстан беренчелегеннән дә спортчылар матур күрсәткечләр белән кайттылар. Җитәкчеләре Фагыйль Гайнетдинов, бертуган Рамил һәм Ранил Сафиуллиннар булган кул көрәштерүчеләребезнең 1996-1997 елгылар командасы Татарстанда икенче булды. Шәхси беренчелектә Нөнәгәрдән Фирүзә Дәүләтшина (45 кг.) һәм Чепьядан Артем Иванов (50 кг.) чемпион булдылар. Һөнәр лицееннан Фируз Яппаров (авыр үлчәүдә), Салавычтан Ринат Әхмәтҗанов (60 кг.), Яңгулдан Руфия Газимҗанова (55 кг.), Нөнәгәрдән Фирая Рамазанова (50 кг.) - икенче, Аланнан Ралия Хисаметдинова (70 кг.), Субаштан Зөһрә Николаева (авыр үлчәүдә), Чепьядан Салават Хәкимов (55 кг.), Фирүзә Яппарова (50 кг.), Түнтәрдән Раилә Корбангалиева (55 кг.), Нормадан Илгизәр Мөхәрләмов (65 кг.), Балтачтан Айсылу Фәйзрахманова (70 кг.), Аланнан Ләйсән Нурисламова (авыр үлчәүдә) өченче призлы урынны яуладылар.

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250