Хезмәт

Илдар Нәкыйпов «Хыял» кубогын икенче ел рәттән отты (фото)

«Хыял» яшьләр үзәгендә өстәл теннисы буенча IV турнир булып узды. Анда барлыгы 33 кеше катнашып, кискен ярышта җиңүчеләр билгеле булды.

Ир-егетләр арасында беренче урынга Балтачтан Илдар Нәкыйпов лаек булып, абсолют батыр исемен яулап, "Хыял "ның күчмә кубогын икенче ел рәттән үзендә калдырды, икенче урында шулай ук Балтачтан Ильяс Закиров, өченчелектә Нократ Аланыннан Олег Мартынов калды. Алар исә, диплом һәм медальләр белән бүләкләнделәр.
Гүзәл затларыбыз арасында Балтачтан Әлфия Зиатдинова беренчелекне берәүгә дә бирмәде һәм шул җиңүе өчен статуэтка белән бүләкләнде. Икенче урында Чутайдан Алсу Җамалиева, өченче урында Бөрбаштан Илүзә Шәйхетдинова калдылар. Җиңүче кызлар шулай ук дипломнар һәм медальләргә лаек булдылар. Әлеге чарада катнашкан һәрбер кеше кәеф күтәренкелеге һәм яхшы кәеф белән кайтып китте.

Реклама


Фотолар Альмира Филиппованыкы.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: