Күтәренке рухта

Шимбә көнне мәгариф учреждениесе хезмәткәрләре һәм укучылар ярышты.
Якшәмбе көнне чаңгы трассасына оешма-предприятие, учреждение, җәмгыять хезмәткәрләре һәм җитәкчеләре җыелды. Югары, күтәренке рухта 2013 чакрым араны үтеп, җитәкчеләребез финиш сызыгында күренде. Менә алар: хатын-кызлар арасында Руфинә Гыйләҗева (салым инспекциясе) - беренче, Люция Закирова (Салавыч мәктәбе) - икенче, Гөлсирә Зыятдинова («Саклык банкы») өченче урында, ә ир-егетләрдән беренче урында гимназия директоры Васил Шакиров , икенчедә - Тимирязев исемендәге җәмгыять җитәкчесе Фәрит Гыйрфанов, өченчедә - район башкарма комитеты җитәкчесе Рамил Шакиров.
5 чакрым ераклыктагы ярышта беренче урынны Рамил Нигъмәтҗанов («Балтач газы» идарәсе), икенче һәм өченче урыннарны Роман Никитин (Чепья) белән Сергей Григорьев ( С.Плотников ширкәте) яулады.
Ә 3 чакрым ераклыкны җилдәй җитез узган хатын-кызлар арасында призлы өч урынны да гимназиялеләр - Алсу Нигъмәтҗанова, Фәридә Нәкыйпова һәм Роза Хөснетдинова алды. Әлеге спорт сөюче, җиңүче иптәшләребез истәлек бүләкләренә лаек булды.
Көннең кояшлы булуы, район яшьләр эшләре һәм спорт бүлегенең ярышларны оештыру осталыгы, мәдәният бүлеге хезмәткәрләренең дәртле музыкаль чыгышлары һәм район кулланучылар җәмгыяте әзерләгән сый-нигъмәтләр һәркемгә чын бәйрәм рухы бүләк итте.

Ярыштан күренешләр.

Реклама