Кубок Кунырга китте

Шунысы куанычлы, елдан-ел бу чарада катнашучылар саны арта бара. Ярышларыбызның җиңүчеләре кич белән генә билгеле булды. Егетләр арасында кунырлылар беренчелекне яулады (тренерлары Р.Сөләйманов), икенчедә Кече Лызи командасы (Н.Заһидуллин), өченче урында арборлылар (И.Галимов) калды, кызлар арасында янә Куныр уенчылары чемпион булып танылды. Икенче урында Кенә командасы (Ф.Ибраһимов), өченчедә Балтач мәктәбе (И. Лотфуллин) кызлары калды. Уеннар бик кискен барды, ахырга кадәр кемнең җиңүче булачагын фаразлап булмады хәтта. Берәүләр җиңү шатлыгыннан күз яшьләре түксә, икенчеләре җиңелү ачысыннан. Әнә шулай итеп Кубокларның икесе дә Кунырга китте. Иң оста уенчылар да шушы төбәктән билгеләнде, алар - Аяз Гомәров белән Зөһрә Әюпова.