Кызларыбыз футболда да сынатмый, республикада без - икенче

Бер уенда да җиңелмичә, бары тик очко аермасы белән генә, Рамил Әминов җитәкчелегендәге Салавыч лицее командасы 2нче урынны яулады. Әлеге команда составында кызлары булган әти-әниләр үзләренең балалары өчен чиксез горурлык хисләре кичереп, аларга алга таба да бирешмәскә дигән теләкләрен юллап, ихластан котладылар. Без дә райондашларыбызны ихластан котлап, киләчәктә голларны күбрәк кертүләрен һәм зурдан-зур үрләр яулауларын теләп калабыз. Иң мөһиме - команда бердәмлеген онытмыйча, алга һәм бары алга омтылырга кирәк!