«Нар» оешмасы үзенеӊ призына татарча көрәш ярышларын уздырды.

Ильнур, 16 февраль 2015 - 07:39

2350

Елныӊ-елында Балтач районында автомобильләрне ягулык белән тәэмин итү белән шөгельләнүче «Нар» оешмасы февраль аенда татарча көрәш буенча укучы балалар арасында ярышлар уздыра.

«Нар» оешмасы үзенеӊ призына татарча көрәш ярышларын уздырды.

Бу елда да алар үз традицияләренә тугры калдылар, Балтач бистәсендә урнашкан «Хыял» яшьләр үзәге көне буена булачак татарча көрәш осталары, Сабан туй батырларыныӊ тавышлары белән яӊгырап торды.

Ярышларны ачып җибәргәндә, район башкарма комитеты җитәкчесе урынбасары Илһам Фидаилович, татарча көрәш буенча район федерациясе президиумы председателе Фәрит Әхмәдиев, яшьләр эше һәм спорт бүлеге җитәкчесе Рөстәм Заһидуллин бу ярышларныӊ әһәмияте турында яхшылап сөйләделәр, үрнәк ала торган, Республика бәйгеләрен ота торган батырларыбыз турында горурланып әйттеләр. Ярышлар нәтиҗәсе турында соӊарак җиткеребез.