Нәни Салих — чемпион!
Шахмат дөньясында ясле-бакча чорыннан ук төрле ярышларда призлы урыннарны яулап, Балтачтан Гөлшан Сөләйманова, Нормадан Илсаф Шакиров бөтен районны шаулатканнар иде инде. Икенче бер нәниебез каратэ-кекусинкай буенча күпләрнең мәхәббәтен яуларга өлгерде.
Балтач балалар-яшүсмерләр спорт мәктәбе тренеры Альберт Бәзәгетдинов шушы көннәрдә генә үзенең укучылары белән Казан шәһәре беренчелегенә барып кайтты. Һәм әйтергә кирәк, алар аннан матур күрсәткечләр белән кайттылар. Балтачның 2нче номерлы балалар бакчасында тәрбияләнүче Салих Зарипов 6-7 яшьлек сабыйлар арасында «тукмашып», Казан шәһәре балаларын да үзенә бирелергә мәҗбүр итеп, чемпион булып танылды. Нинди зур күрсәткеч бит! Салихның абыйсы Якуб Зарипов исә 10-11 яшьлекләр арасында өченче булды. Шушы ук яшьтәгеләр арасында тагын бер укучыбыз Нормадан Ильяс Шәрипҗанов дүртенче булып калды.
Соңгы вакытта Салавыч кызлары да туп тибеп, күпләрне шаккатыра. Тренерлары Рамил Әминевның тырыш хезмәте нәтиҗәсендә Салавыч кызлары зур танылу алып киләләр. Республикабызның Аксубай бистәсендә мини-футбол буенча 2000-2001нче елгы кызлар арасында үткән Рәсәй беренчеле-генең Идел буе районнары зона беренчелегендә уйнап, өченче булдылар. Афәрин, дими, ни дисең!
Рәсемдә: Салих Зарипов (уртада) Балтач данын еракларга танытты.
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Твиттер, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Следите за самым важным и интересным в Telegram-каналеТатмедиа
Нет комментариев