Хезмәт

Балтач районы

18+
2024 - Гаилә елы
Спорт

Нәзер үтәлде

«Беренче пенсия акчамны алуга, балалар арасында кул көрәше буенча үз призыма район ярышлары оештыра башлармын дип үз-үземә нәзер итеп әйткән идем», - дигән иде бервакыт Россия һәм дөньякүләм ярышларда чемпионнар, призерлар әзерләгән тренерыбыз Фагыйл Гайнетдинов.

Ниһаять, аның хыялы чынга ашты. Бүген туган авылы Субашта 14-15 яшьлекләр арасында зур итеп ярыш оештырды. Мәктәп спортзалында иң көчле беләклеләр - 100дән артык спортчы көне буе көч сынашты һәм үз араларында иң-иңнәрне ачыкладылар. Малайлар арасында турнирның чемпионнары булып, Артем Иванов (Чепья - 45 кг.), Нияз Гыйльметдинов (Куныр - 50 кг.), Динар Фатыйхов (Салавыч - 55 кг.), Айдар Сафин (Балтач - 60 кг.), Илгизәр Мөхәрләмов (Салавыч - 65 кг.), Алмаз Дәүләтшин (Балтач - 70 кг.), Рәдис Сәмигуллин (Нөнәгәр - югары үлчәүдә) танылдылар. Ә кызлар арасында чемпионлыкны Әдилә Хафизова (Куныр - 40 кг.), Лилия Галәлетдинова (Нөнәгәр - 45 кг.), Илүзә Гыйльманова (Субаш - 50 кг.), Рамилә Зиннәтуллина (Арбор - 55 кг.), Гүзәл Шакирова (Пыжмара - 60 кг.), Айсылу Фәйзрахманова (Балтач - 70 кг.), Ләйсән Нурисламова (Алан - югары үлчәүдә) яуладылар. Билгеле, командалар беренчелегендә җирле спортчыларга тиңнәр булмады. Икенче урынга - кунырлылар, өченчегә балтачлылар чыкты. Бүгенге көндә кул көрәше буенча районның баш тренеры Бразилиядә узачак дөнья чемпионатына әзерлек мәшәкатьләре белән янып йөри. Сосна Пүчинкәсеннән инвалид спортчылар арасында Европа чемпионы Фаварис Вәлиев белән алар көн дә шөгыльләнүләрен дәвам итәләр. Уңышлар гына насыйп булсын аларга!

Следите за самым важным и интересным в Telegram-каналеТатмедиа

 

Без социаль челтәрләрдә:  ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен

 

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

Теги: 250