Руфия Закирова: “Укытучылар спартакиадасында 1 урын безнеке”.

Ильнур, 12 ноябрь 2014 - 08:23

2485

5 ноябрь көнне район мәктәпләре арасында укытучылар спартакиадасы булып үтте. Бәйрәмне Балтач мәктәбенең Васинкин Э.Г. җитәкләгән бию коллективы ачып җибәрде.

Руфия Закирова: “Укытучылар спартакиадасында 1 урын безнеке”.

Бәйгедә 22 мәктәп, 1 җитәкчеләр командасы һәм 1 команда мәгариф бүлеген яклап чыгыш ясады. Чын мәгънәсендә бәйрәм төсе алган әлеге чара күтәренке рухта үтте.

Коллектив исеменнән түбәндәге укытучыларны шәхси күрсәткечләре белән чын күңелдән котлыйбыз:

- өстәл теннисы буенча ир егетләр арасында Назипов Расиф Раиф улы 3урын, хатын-кызлар арасында Шайхиева Елена Низаметдин кызы 3 урын;

- шахмат буенча Файзрахманов Ильвир Рафаэль улы 3 урын.

Бик азга гына калышып шашка буенча Шакирова Зилә Фәргать кызы (4 урын); шахмат буенча Шайхетдинова Люция Рәшит кызы (4урын); бадминтон буенча Галимуллин Ильяс Солтан улы (4урын) һәм Җәләлова Эльмира Фаяз кызы (5 урын); аркан тарту буенча Закирова Руфия Әдһәм кызы 4 урыннары белән команданы алга җибәрделәр һәм гомуми нәтиҗәләр буенча Балтач урта мәктәбе коллективы I урынны яулады.

Афәрин, егетләр һәм кызлар! Киләчәктә дә зур уңышлар белән биек үрләр яуларга язсын!