Сезон ябылды
Мәктәпләрдә укулар тәмамланып, балалар бераз хәл алгач, Балтач балалар-яшүсмерләр спорт мәктәбендә балаларны татарча көрәш серләренә өйрәтүче тренерлар үз балалары арасында иң көчлеләрне ачыклау өчен 7-13 яшьлекләр белән татарча көрәш ярышлары уздырды.
Җиңүчеләре булып түбәндәгеләр танылды. Руфин Афанасьев (Чепья, 26 кг.), Илназ Мифтахов (Чепья, 28 кг.), Рафил Вафин (Норма, 32 кг.), Ранил Ганиев (Норма, 36 кг.), Ринас Шәрифуллин (Шеңшеңәр, 40 кг.), Әмир Хәйруллин (Арбор, 43 кг.), Ислам Галимов ( Арбор, 46 кг.), Инсаф Шакиров (Арбор, югары үлчәүдә). Шулай итеп, Яңгулдан Татарстанның атказанган спорт остасы Ранил Габдрахманов малайларына тиңнәр булмады. Икенче урында Ар-бордан Татарстанның атказанган тренеры Дамир Гобәйдуллин, өченчедә Чепьядан Татарстанның спорт остасы Ринат Хәйретдинов көрәшчеләре. Моннан тыш, район көрәш федерациясе рәисе Фәрит Әхмәдиев 32 килограмм үлчәү авырлыгында җиңүчеләрне медальләр белән бүләкләде, чөнки иң күп көрәшче шушы үлчәү авырлыгында иде. Үзе белән алып килгән Татарстанның «Кызыл китабы»н ул бу юлы көрәш дөньясына тәүге тапкыр аяк баскан, ярышларның иң яшь, иң кечкенә көрәшчесе Яңгулдан Айнур Әсхәдуллинга тапшырды. Ярышларга «Водстрой» ширкәте җитәкчесе Р.Закиров иганәчелек итте. Шулай итеп, көзгә кадәр районда көрәш сезоны ябылды.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
