12-13нче гыйнвар көннәрендә Арчада мәктәп баскетбол лигасы кысаларында республиканың зона ярышлары булып узды.
Анда район данын яклап Сосна мәктәбенең кызлар, Балтач мәктәбенең малайлар командалары катнашты. Тренерлары мәктәпнең физик культура укытучысы Фәнил Габдрахманов булган Сосна мәктәбе кызлары 8 команда арасында барлык көндәшләрен җиңеп беренче урынны алып кайтты. Команда ярышларның спонсоры «КЭС Баскет» кубоклары, медальләре һәм баскетбол формалары белән бүләкләнде. Алар хәзер февраль аенда Аксубайда узачак финал ярышларында чыгыш ясарга әзерләнәләр. Балтач мәктәбе егетләре дә (тренерлары Балтач мәктәбе физик культура укытучысы Айдар Хаҗиев) сынатмады, алдагы беренче дүртлеккә керде. Рәсемдә: җиңеп кайткан Сосна мәктәбе кызлары.
