Безнең Газинур

Янәшәбездә ярый әле Газинур шикелле спорт җанлы кешеләр бар. Сүзем Казан каласында яшәүче Куныр авылы егете, Шода кияве Газинур Хәйретдинов хакында. Шода, Куныр авылларында үтүче һәр спорт чарасына иганәчелек ярдәме күрсәтүдән тыш, оештыру эшләрендә дә зур активлык күрсәтә. Аеруча волейболны үз итә ул. Узган ел Шода волейболчыларын яңа сетка белән куандырды. Бәйрәмнәрдә дә волейболчы егетләр өчен махсус бүләкләр куя. Хоккей өчен дә җан ата. Традицион хоккей ярышлары вакытында Газинурның ярдәмен нык тоябыз диләр оештыручылар.

Рәхмәт сиңа, Газинур! Гел шулай спортчыларның якын дусты булып кал.