Хезмәт

Яңа тартма ачылды

Хоккейга мөкиббән киткән Норма малайларына быелгы сезонда бәхет елмайды.

Реклама

Район спорт бүлеге, спорт мәктәбе җитәкчеләре тырышлыгы белән алар өр-яңа хоккей тартмалы һәм киемле булдылар. Тартманы официаль рәвештә ачу хөрмәтенә биредә ике көн 1995--1997нче елгы егетләр район беренче-легенә үткәрелгән ярышларда көч сынашты. Икенче көнне финалга чыккан дүрт команданың уеннарын карарга бихисап тамашачы җыйналган иде. Иртә таңнан ялтырап чыккан кояшта тартма бозы ялт-йолт килеп торды. Уеннарны Түнтәр һәм Нөнәгәр мәктәпләре командалары ачып җибәрде. Түнтәрлеләр 4:1 исәбенә җиңүгә иреште. Норма һәм Чепья командаларының очрашуы нормалыларның 8:0 исәбенә тулы-сынча тар-мар итүе белән тәмамланды. Нөнәгәрлеләр исә 2:1 исәбенә чепьялыларны отып, өченче булды. Норма һәм Түнтәр командаларының уены да нормалыларның көч-хәл белән бер алка кертеп жиңүенә китерде. Шулай итеп, район беренчелегенең иң көчлеләре булып Норма, Түнтәр, Нөнәгәр мәктәпләре командалары танылды. Бозда яңадан очрашканга кадәр!

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: