Япониянең үзеннән кайтарылган бүләккә ия булды Альберт Бәзәгетдинов

Ильнур, 20 октябрь 2015 - 05:22

2409

4 октябрь көнне башкалабызның «Ак Барс» Көрәш сараенда кекусинкай-каратэ буенча «Кара билбау»га ия булучыларның якшәмбе мәктәбе булып узды.

Япониянең үзеннән кайтарылган бүләккә ия булды Альберт Бәзәгетдинов

Бу чарада республикабыз тренерларыннан тыш Кострома өлкәсе, Мари Иленнән дә танылган инструкторлар катнашты. Һәм безнең өчен иң куанычлысы шул булды: Балтач балалар-яшүсмерләр спорт мәктәбе тренеры Альберт Бәзәгетдиновка «Кара билбау» тапшырылды.

Мин аннанүзенең уй-кичерешләре белән уртаклашуын сорадым. «Миңа кара билбауның 3 алтын сызыклысы тапшырылды. Кара билбаудагы 3 алтын сызыкның һәрберсе осталык дәрәҗәсен дәлилләүче сызыкбулып тора. Бу бүләккә һәр яктан камил, чын сугыштчы, нормативларны югары күрсәткечләр белән үтәүчеләр генә лаек була. Бу вакытта синең еллар буе ирешкән уңышларың да исәпкә алына».

Әйе, бубүләккә лаек булучылар үз араларында гына түгел, бөтен Кекусинкай дөньясында иң хөрмәтле кешеләр санала, һәм бу хөрмәтне лаеклы саклый белү дә сорала. Тагын шунысы кызыклы, бу бүләк бары тик Япониянең үзеннән генә кайта. Менә нинди зур бүләккә ия булды безнең якташыбыз - Бөрбаш авылының мөхтәрәм кешеләренең берсе Альберт Шәйхатин улы!