25 нче июльгә коронавирус белән бәйле взгыять

Татарстанда бүген 32 яңа COVID-19 очрагы ачыкланган, алар барысы да элемтә юлы белән йоктырган. 10 кеше хастаханәгә урнаштырылган, 22 кеше өйләрендә дәвалана.

Бүген авыручылар арасында янә урта яшьләрдәгеләр күпчелекне тәшкил итә: 30 яшьтән 50 яшькә кадәр - 14 кеше, 50 яшьтән 60 яшькә кадәр - 7, 60тан 70кә кадәр - 6, 18дән 30га кадәр - 3 һәм 70тән 80гә кадәр 2 кеше короновирус йоктырган.

Казанда 18 кеше авырый, Яр Чалыда авыручылар саны бүген кискен арткан - 8 булган, Алабугада - 2, Аксубай, Кайбыч, Кукмара һәм Тукай районнарында берәр кешедә  яңа таҗлы вирус тапканнар.

Нәтиҗәдә, 25 июльгә Татарстанда COVID-19 инфекциясен йоктыручылар саны барлыгы 5404кә җиткән, бу вакыт эчендә 4260 кеше, шул исәптән 41е - узган тәүлектә терелгәннәр.

Үзегезне һәм якыннарыгызны саклагыз.

Фото: pixabay.com/ru