Әле син вакцинация ясаттыңмы?

Елдагыча гриппка яңа заман инфекциясе булып коронавирус өстәлде. Яна коронавирус инфекциясенә каршы Спутник V (ГамКовидВак) кулланылышта. Яңалык буларак бу вакцинаны укол формасында мускулга (мышцы) һәм махсус трубкасы ярдәмендә борынга сиптерү формасында да кулланып була.Сәламәтлек саклау министрлыгы карары нигезендә:
- Спутник V вакцинасын укол яки борынга сиптерү, аерым яки бергә дә кулланырга ярый,1нче компонентны ясаткач, я сиптергәч 2нче компонент 21 көннэн ясалырга тиеш.
- Коронавируска каршы һәм гриппка каршы 2 вакцинаны 1көндә ясатырга ярый яки аерым ясатканда 2 прививка арасы 1 ай булырга тиеш. Безнең медицина хезмәткәрләребезнең күбесе Спутник V борынга һәм Гриппка каршы прививканы укол формасында 1 көндә ясатуны оптималь дип санадык һәм ясаттык. Инде 2020 елда башланган яңа коронавирус инфекциясенә әле бүгенге көндә дә җитди карап, грипп турында да онытмыйча, үз сәламәтлегеңне кайгыртып, вакцинациягә райондашларыбызны чакырып калабыз.