Авылларда маска кимичә йөрүчеләр күренә

Көлке көлә килә, артыңнан куа килә бит әле ул. Ни генә дисәк тә, инде Аллаһы Тәгалә сакласын, берәүгә дә рухи яктан да, сәламәтлек ягыннан да газап чигәргә язмасын.

“Кибеткә чыккан идем, – дип шалтырата зур гына авылдан бер апа .– Маска, перчатка кигән кешене бик сирәк күрдем. Урам тулы кеше, перчаткалары да юк, маска да япмаганнар. Әйтә башлаган идем, көлделәр генә, каратин бетте бит инде ул, диләр. Әнә, Балтачта бөтен кеше эшли, урам тулы машина, кеше диләр. Ник, иптәшләр, нәрсә дигән сүз инде бу, бар дөнья газап чигә, дәүләт безне ничек тә саклап калырга тырыша, ә без тыңламыйбыз. Үзебезне, балаларны, якыннарны сакларга ирек бирегез инде, ваемсызлык күрсәтеп, аңламыйча йөрүчеләргә әйтүем, авыр әйбер түгел бит маска элеп, перчатка киеп йөрү.”

Менә шундый шалтыратуларны еш кабул итәбез. Сак булыйк, сакланыйк райондашлар! Эшләргә туры килгәннәргә сүз әйтеп булмас инде, эшләмәгәннәр өйдә генә торыгыз инде, зинһар!