⚡Балтачта тагын бер кеше коронавирус йоктырган

Бүген Рәсәсйдә коронавирус инфекциясен  йоктыруның 10 028, шул исәптән Татарстанда - 87, Балтачта 1 яңа очрагы расланды.

Авыручыларның өчесе вирусны читтән алып кайткан булса, 84 авыручылар белән элемтәдә булу сәбәпле йоктырган. 31 кеше хастаханәгә салынган, 56 кеше өйдә дәвалана, алар авыруны җиңелчә яки симптомсыз формада кичерәләр.

Авыручыларның яшенә килгәндә статистика үзгәрешсез, вирусны иң күп йоктыручылар ул урта яшьләрдәгеләр, бүгенгә алар 25 кеше,  50-60 яшьтәге кешеләр арасында - 21, 60-70 яшьлек - 20, 18-30 - 13, 18 яшькә кадәр - 6 һәм 80-90 яшьтәге - 2 кеше covid-19 вирусын йоктырган.

Яшәү урыны буенча караганда еш кына бер үк районнар кабатлана.  Узган тәүлектә Казанда 43, Апаста - 20, Түбән Камада - 9, Яшел Үзәндә - 5, Биектауда - 3, Лаешта - 2, Яр Чаллы, Балтач, Буа, Кама Тамагы, Кукмарада берәр очрак теркәлгән.

Барлыгы 13 майга Татарстанда 1919 COVID-19 инфекциясен йоктыру очрагы теркәлгән.

Бөтен вакыт эчендә 740 кеше сәламәтләнде, шуларның 100е соңгы тәүлек эчендә.

Хөрмәтле райондашлар, үзизоляция таләпләрен тайпылышсыз үтәсәк, коронавирус таралуына юл куймасак иде. Үзегезне һәм якыннарыгызны саклагыз.