Балтачта тагын бер кешедә коронавирус ачыкланган

Татарстанда 252 яңа очрак теркәлгән, шуларның 6сы – читтән кертелгән, 246сы – элемтә юлы белән йоктырылган, дип хәбәр итә Сәламәтлек саклау министрлыгының матбугат хезмәте.

Ведомство хәбәреннән күренгәнчә, 46 кеше, хәлләре җитди булу сәбәпле хастаханәләргәгә салынган, 206сы өйләрендә, табиблар күзәтуе астында дәвалана.

Казанда – 167, Чаллыда – 16, Чистай районында – 10, Бөгелмә һәм Түбән Кама районнарында – җидешәр, Әлмәт, Биектау һәм Тәтеш районнарында – бишәр, Яшел Үзән районында – дүрт, Зәй, Лаеш һәм Тукай районнарында – өчәр, Әгерҗе, Буа, Питрәч һәм Саба районнарында – икешәр, Апас, Алабуга, Кайбыч, Кукмара, Лениногорск, Минзәлә, Нурлат, Чирмешән районнарында һәм Балтачыбызда берәр очрак ачыкланган.

Республикада пандемия башланганнан бирле барлыгы 32 656 коронавирус инфекциясен йоктыру очрагы теркәлгән, 26 076 кеше, шулардан 128е узган тәүлектә терелгән.

Республикада бүгенгә барлыгы 1 710 821 кеше коронавируска каршы прививка ясаткан, шуларның 1 137 552се икенче дозаны да кадаткан.

Үзегезне һәм якыннарыгызны саклагыз?!