⚡☣️ Бүген коронавирус йоктырган 14 кеше хастаханәләргә салынган

Утыз алты авыруның ундүрте, хәлләре авыр булу сәбәпле, хастаханәләргә салынган, 22 кеше өйдә дәвалана. Барлыгы 10 июльгә Татарстанда 4 929 COVID-19 очрагы теркәлгән, 3 767 кеше сәламәтләнгән, шуларның 33е – узган тәүлектә.

Вирус йоктыручылар Казанда – 13; Яр Чаллыда – 5; Питрәч районында – 3; Югары Ослан, Яшел Үзән, Лениногорск һәм Нурлатта – 2. Буа, Алабуга, Кама Тамагы, Кукмара, Лаеш, Түбән Кама һәм Тукай районнарында берешәр кеше исәпләнә.

Коронавирус йоктыручыларның яшенә килсәк, күпчелекне 30 яшьтән 70 яшькә кадәр ватандашларыбыз тәшкил итә: 30 яшьтән 50 яшькә кадәр – 11, 60тан 70кә кадәр – 12, 50 яшьтән 60 яшькә кадәр – 4, 18дән 30 яшькә кадәр – 6, 70тән 80 яшькә кадәр 3 кешедә табиблар COVID-19 тапканнар.

Россиядә коронавирустан 11 меңнән артык кеше үлгән.

Фото: pixabay.com/ru