Бөтендөнья иммунлаштыру атналыгында нишлисе булыр инде

БМО тарафыннан, 2006 елдан башлап апрельнең соңгы атнасы - иммунлаштыру атналыгы итеп билгеләнеп үтелә. Быел бу чара 23 нче апрельдән 29 апрельгә туры килә.

Иммунлаштыру атналыгы уздыруның төп максаты булып, халыкка вакциналарның күп йогышлы авырудан саклануның бердәнбер чарасы икәнлеген төшендерү тора.

Бу атналык кысаларында дөньякүләм күп чаралар оештырыла, өстәмә иммунлаштыру көннәре билгеләнә, халыкка өстәмә мәгълүмат бирелә.

Иммунлаштыруга кагылган берничә факт:

-иммунлаштыру дифтерия, гепатит В, коклюш, пневмония, полиомиелит, краснуха, столбняк кебек куркыныч авыруларны булдырмый кала. Югарыда саналган авырулар кеше сәламәтлеге өчен зур куркыныч тудыра, инвалидлыкка, хәтта үлемгә дә китерергә мөмкин;

-ел саен иммунлаштыру юлы белән 2-3 млн. га якын кеше гомере сакланып калына;

-безнең илдә милли календарьга кертелгән төп вакциналар бушлай ясала, шул ук вакытта артта калган илләрдә ел саен 18,7 млн бала төп вакциналарны да ала алмый;

Күп очракта әти-әниләрдә интернетта тапкан, кешедән кешегә күчкән имеш-мимешләр урынсыз курку, сораулар тудыра. Иммунлаштыру турында нинди генэ сорау туса да, аңа дөрес җавапны баланы караган табиб кына бирә ала. Шуңа да һәр очракта табиб белән киңәшергә тәкъдим ителә.

Балаларыбызның да,  үзебезнең дә сәламәтлегебез  үзебезнең кулда!

"Роспотребнадзор" идарәсе Арча, Биектау, Әтнә, Балтач районнары буенча территориаль бүлегендә халыкны иммунлаштыру буенча кайнар линия эшли, сораулар белән тубәндәге номерлар буенча мөрәҗәгать итегез :

884366 3-15-01 (Арча), 884365 3-15-01, 884365 3-02-71 (Биектау), 884368 2-41-47 (Балтач).

"Роспотребнадзор"  идарәсе  Арча, Биектау,

Әтнә, Балтач районнары буенча территориаль бүлеге.