Эчендә 49 килограммлы шеш үскән

Красноярскида яшәүче 42 яшьлек ирнең эчендә 48,6 килограмм авырлыктагы яман шеш үскән. 130 килограмм  авырлыктагы ир башта кинәт кенә ябыга, тик корсагы кимеми. Шуннан соң анда яман шеш булуы ачыклана. Мәскәүдәге Блохин исемендәге Онкология фәнни-медицина тикшеренү үзәге табибларына ир-атның эченнән зур шешне алу өчен күп көч салырга туры килгән.

Үзәкнең директоры, медицина фәннәре докторы, профессор, Русия Фәннәр академиясе академигы Иван Стилиди сүзләренчә, бу — аның клиник тәҗрибәсе дәвамында очраган иң зур шеш. Ир-атның бөтен корсак куышлыгы, бөтен органнары умырткалыкка кысрыклынып калган.

55 сантиметр зурлыктагы яман шешне алу өчен хирурглардан зур көч таләп ителә. Яхшы физик формадагы өч табиб шешне өч сәгать дәвамында тотып тора.

Шеш белән бергә ир-атның артык тән тиресен дә кисеп алганнар. Хәзер авыру реабилитация уза.

Фото: pixabay.com/ru
Автор: Резеда Галикәева