Фазлыева: QR-код антитәнчекләре булган һәм прививка ярамаган татарстанлыларга бирелми
«Вакцинация ярамаган кешеләргә җәмәгать урыннарына барудан тыелып торырга кирәк», — диде вице-премьер.
Коронавируска антитәнчекләре күп булган һәм вакцинация ярамаган татарстанлыларга QR-код бирелми.
ТР Премьер-министры урынбасары Ләйлә Фазлыева брифингта шул хакта ачыклык кертте. «Антитәнчекләре күп буган кешеләргә дәүләт хезмәтләре порталында сертификат каралмаган», — диде.
Ниндидер сәбәпләр аркасында прививка ясатырга ярамаган кешеләр дәүләт хезмәтләре порталында QR-код ала алмаячак.
«Вакцинация ярамаган кешеләргә җәмәгать урыннарына барудан тыелып торырга кирәк», — диде Ләйлә Фазлыева. Роспотребнадзор хезмәтенең Татарстан буенча идарәсе җитәкчесе Марина Патяшина әйтүенчә, андый кешеләр эш урыннарында кала ала, тик профилактика чаралары бик катгый үтәлергә тиеш.
Чыганак: ТИ
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев