Ике беләгеңдә дә кан басымың бертөрлеме?
Тонометрдагы күрсәткечләрдә аерма булса, хәвефләнергә урын бар.
Артериаль кан басымының сул һәм уң куллардагы күрсәткечләрендә аерма булган кешеләр инсульт һәм йөрәк өянәкләренә ешрак бирешә. Бу хакта "Hypertension" журналында галимнәр төркеме тарафыннан бастырылган мәкаләдә әйтелә.
Экспертлар төрле континентларда яшәүче 54 мең кеше катнашкан 24 тикшеренүне анализлаган. Артериаль кан басымы күрсәткечләрендәге аерма, шулай ук ун ел дәвамында үлем очраклары, йөрәк өянәге һәм инсультлар саны чагыштырылган.
Тикшеренү нәтиҗәләре күрсәтүенчә, терекөмеш баганасының биш миллиметрыннан артып киткән аермалар йөрәк-кан тамырлары авыруларыннан үлү ихтималлыгын фаразларга мөмкинлек бирә. Галимнәр белдерүенчә, хәтта бер миллиметр аерма да әлеге авырулар үсеше куркынычын бер процентка арттыра, дип яза Кызыл таң.
Мондый алым табибларга йөрәк-кан тамырлары авыруларын профилактикалау буенча да ярдәм итә ала, дип саный алар.
Фото: pixabay.com/ru
Автор: Юлия Төхбәтуллина
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев