Коронавирустан саклану чорында биналарны дезинфекцияләү буенча тәкъдимнәр

Ишек тоткалары. Сабын белән юарга яки составында хлор  яки 70 проценттан ким булмаган спирт булган антисептик белән эшкәртергә. Сез өйгә кайтып кул юганчы тотынган ишек тоткаларын юарга кирәк. Ишек тоткаларына дезинфекция ясагач, кулларны сабын белән юу мөһим.

Электр приборлары. Антисептиклы салфетка белән сөртергә. Өйдә авыру кеше булса, тотынган саен сөртү кирәк.

Шкаф тоткалары. Өйне җыештырган вакытта сабын белән юарга яки антисептиклы салфетка белән сөртергә.

Тукыма белән төрелмәгән урындык аркалары. Өйне җыештырган вакытта сабын белән юарга яки антисептиклы салфетка белән сөртергә.

Язу өстәле. Өйне җыештырган вакытта сабын белән юарга яки антисептиклы салфетка белән сөртергә.

Журнал өстәлләре, ачык китап киштәләре, шкаф өслекләре, тумбочкалар. Өйне җыештырган вакытта сабын белән юарга яки антисептиклы салфетка белән сөртергә.

Кухня гарнитуры өслеге. Көнкүреш химиясе чарасы белән юарга яки составында хлор яки 70 проценттан ким булмаган спирт булган антисептик белән эшкәртергә. Өйдә барысы да сау-сәламәт булса, көнгә бер тапкыр эшләү дә җитә. Әгәр авыру кеше булса, һәр ашау саен эшкәртү кирәк.

Көнкүреш техникасы. Өй җыештырганда составында спирт булган антисептиклы салфетка белән сөртергә.

Су краннары. Көнкүреш химиясе кулланырга  һәм кайнар су белән юып алырга. Өйдә авыручылар булмаса, көнгә бер яки көнаралаш эшләсәң дә була. Әгәр авыру кеше булса, һәр кулланган саен эшләү кирәк.

Юынгычлар. Көнкүреш химиясе кулланып юарга һәм кайнар су белән юып алырга. Өйдә авыручылар булмаса, көнгә бер яки көнаралаш эшләсәң дә була. Әгәр авыру кеше булса, һәр кулланган саен эшләү кирәк.

Теш щеткасы, тарак һәм башкалар. Өйдә авыру кеше булса, нигезендә спирт булган антисептиклы салфетка белән өстәмә эшкәртергә кирәк.

Бәдрәф (унитаз, ванна, душ кабинасы). Хлор белән иң соңыннан юыгыз.

Истә тот: барысы да сау-сәламәт булса, көнкүреш химиясе кулланып өйне атнага ике-өч мәртәбә җыештыру кирәк. Әгәр авыру кеше булса, өйне көн саен җыештыру таләп ителә.