Медицина хезмәткәрләренә - өстәмә түләүләр
Русия Президенты Владимир Путин Хөкүмәткә беренчел звенодагы медицина хезмәткәрләренә федераль өстәмә түләүләр буенча йөкләмәләр бирде.
Министрлар Кабинеты 1 ноябрьгә кадәр әлеге мәсьәләне гамәлгә ашыру буенча эш алып барачак, дип хәбәр ителә "Кремлин.ру" сайтында.
Бу вакытка кадәр медицина эшчәнлеген лицензияләү тәртибе камилләштерелергә, шулай ук Русия субъектлары хакимиятләренең медицина оешмасын төзү яки аның эшчәнлеге профилен үзгәртү турындагы карарларын алдан килештерү процедурасы үтәргә тиеш.Моннан тыш, 1 октябрьгә кадәр Хөкүмәткә «яшь белгеч» һәм «табиб-остаз» төшенчәләрен закон нигезендә ныгытуны тәкъдим итү зарур, бу вузны тәмамлаучылар дәүләт һәм муниципаль медицина учреждениеләрендә өч ел дәвамында тәҗрибәле белгечләр контроле астында эшчәнлек алып бара алсын өчен кирәк.
Арытаба Хөкүмәткә авыл торак пунктларына эшкә күчкән медицина хезмәткәрләренә, эшче бистәләргә яки шәһәр тибындагы бистәләргә, Арктика зонасына, шулай ук Түбән транспорт үтемлелеге булган ерак территорияләргә бер тапкыр бирелә торган компенсация түләүләренә өстәмә арттыру коэффициентын кертү турындагы тәкъдим белән чыгыш ясарга туры киләчәк, дип яза Кызыл таң.
#ВладимирПутин
Фото: pixabay.com/ru
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев