Прививканы ясый гына башлаганда теләүчеләр артык күп булмады

2020 елның декабрь аеннан Балтач районында яңа коронавирус инфекциясына каршы вакцинация башланды.

Бүгенге көнгә хастахәнәгә кайткан барлык вакциналарда гражданнарга ясалып бетте. Иң беренче чиратта вакцина коронавирус инфекциясы белән авырмаган медицина хезмәткәрләренә, 60 яшьтән узган һәм хроник чирләре булган кешеләргә ясалды.

Районның газ оешмасы җитәкчесе Рөстәм Камил улы Нигмәтҗановка  үзенең эшчеләр коллективына вакцинация ясауны оештыруда  булышлыгы өчен аерым рәхмәт сүзләрен җиткерәсе килә. Ул һәр эшчесе турында кайгыртып, үз үрнәгендә, шәхсән үзе дә  яңа коронавирус инфекциясенә каршы вакцина ясатты.

Россия Президенты карары нигезендә, бу бөтен дөньяда баручы авыр эпидемия шартларында, киң масштабларда вакцинация барганда, без – медицина хезмәткәрләрен, прививка ясатучылар арасында иң беренче чиратта ясалырга тиешле районның белем бирү һәм социаль яклау өлкәләрендә эшләүчеләрнең, зур эшче коллективларның булмавы зур борчуга сала.  

Вакцина ясатырга теләгән 18 яше тулган һәр кеше үзәк поликлиника, врачлык амбулатория телефоннары һәм дәүләт порталлары аша прививка ясатырга чиратка языла ала. Яңа партия вакциналар хастаханәгә  кайтты, шушы список буенча гражданнар хастаханәгә прививкага чакырылачак.  

Яңа коронавирус инфекциясенә каршы вакцинация турында тулы мәгълуматне  zdrav.tatar.ru/crbbaltasi сайтыннан алырга була.

Газинур Дәүлиев

Фото: pixabay.com/ru